Erstmol mechert mer drauf hinweisa, das wir ka Verein oder sou sin. Wir sin a Haufer Musiker, die afach Spaß und freid ou der Musik hebba. Wir spiela, wie wir wella, wo wir wella und wann wir wella. Ihr kennt gera a mol frocher, ob wir für eich spiela, obber ans muss eich glor sei: mir nemmer vo eich ka gage!!!


Also, etz zu unserer Gschicht:


Am 10.01.09 sin mer des erschte mol zam kummer. do wor mer noch zur viert... eichertli hem mer nur zur kerwa musik macha gwellt, obber dann is alles anders kumma.
Ougfanger hem mer mit ner schwarzer Trompete, zwa richticher und an bass. (Fortsetzung folcht, weil unser DVD dann nimmer weiter erzähler gwellt hat…)


So, zwa Monat später, hat unser DVD wieder Lust weng wos zu erzähle: Und dann is halt gange wie's immer so geht. Wenn sie rumspricht das wos Spaß mecht, kummer immer mehr dazu. An unserm ersten offiziellen Auftritt, der Kerwa 2009 wor mer dann scho zu zehnt. Des hat die Leit sou gut gfalle, das mer im Ouschluss uns vor Oufroche gor nimmer retter hebbe kenne. Hauptsach für Geburtsdochständerle. Die hem mer mit bsondere Einlache richtich schee nou broucht. A Johr später, an der Kerwa 2010 ham mer uns weiter vermehrt ghobt und wora 16 Vollblutmusiker. Bisheriches Highlight wor des Burschevereinsfest im Sep. 2010. Do hem mer zum erstaue aller (in der Halle wora an Haufer Spione vo die annere Kappele ouwesend), an richtig geiler Auftritt nougleicht. In der Zukunft well mer uns in Richtung Spaßkappelle weiter entwickeln, lasst eich afach mol vo uns überraschen...
to be continued... (wer des nit versteht: es geht weiter, also fortsetzung folcht!)